Neges gan y Sylfaenydd

Daeth y syniad o greu cyfleoedd i blant sy’n byw y tu hwnt i Gymru ddysgu Cymraeg o’m profiad personol. Fel mam o Lanrhystud, Ceredigion, roeddwn i’n awyddus i’m mab barhau â’i addysg Gymraeg pan symudon ni i Lundain. Trwy’r weledigaeth hon, sefydlais Ysgol Sadwrn fel ffordd o gynnig dosbarthiadau Cymraeg ar-lein, a hefyd i fod yn hwylusydd i blant gymdeithasu a gwneud ffrindiau newydd.

Gyda dros 30 mlynedd o brofiad yn y byd addysg, gan gynnwys fel prifathrawes a darlithydd prifysgol, mae gen i’r wybodaeth a’r angerdd i sicrhau bod pob plentyn yn teimlo’n hyderus ac yn hapus wrth ddysgu Cymraeg. Erbyn heddiw, rydym yn hynod falch o fod wedi croesawu plant o bum cyfandir i’n gwersi, gan feithrin cymuned wirioneddol ryngwladol.

Sioned Rees-Jones
Pennaeth